Eg har laga ein artikkel i GeoAtlas om felespelaren Klaus Sande frå Nessane (mi heimbygd). Du finn den her
Eg har laga denne artikkelen med tanke om at den skal kunne brukast i barneskulen. Dette fordi skulen i bygda er ein 1-7 skule. Artikkelen kan brukast i mellom anna musikkfaget, og i arbeid med å bli kjend med lokalmiljøet og den lokale historia. Det at vi har ein såpass anerkjend felespelar (i folkemusikkmiljøet) frå bygda vår, tykkjer eg er viktig å lære elevane. Det er viktig å sjå den lokale historia på alle plan, mellom anna folkemusikken, stølsdrifta og krigstida. Og eg meiner GeoAtlas er ein ypparleg ressurs for skulen i arbeidet med både det heilt lokale i bygda, men også i kommunen og fylket.
GeoAtlas er eit veldig enkelt verktøy å bruke for lærarar. Det er ganske enkelt både å sette inn tekst, bilde, lyd og film. Og dette gjer programmet brukarvennleg. Det er ein fast mal, som gjer at ein slepp å bruke tid og energi på utsjånad. Det ordnar seg sjølv, og ein berre vel kva rekkefølgje dei ulike elementa skal kome i. Det var lurt å ha alle elementa klare før eg gjekk inn i GeoAtlas og laga artikkelen. Eg hadde skrive teksten i Word, laga filmen i Studio9, bileta låg klare, og eg hadde funne dei linkane eg ville bruke. Det gjekk difor veldig fort å lage sjølve artikkelen.
Eg trur GeoAtlas også vil være veldig enkelt å bruke for elevar. Og dette er ein god ressurs med tanke på å kunne dele med kvarandre på tvers av klassetrinn, skular, kommunegrenser og fylkesgrenser. Men her er det viktig at læraren kvalitetssikrar artiklane før dei vert publisert.
Fordi det stadig vert lagt ut nye artiklar vil denne basen berre vakse seg større og større, og ressursen vil verte meir og meir nyttig. Det at t.d. lærarar kan lage artiklar for bruk til eit emne i sin eigen klasse, men samtidig dele denne artikkelen med lærarar i andre klassar, andre skular og befolkninga elles, i all tid framover, er ein kjempenytte!
Eg kjem nok til å bruke GeoAtlas meir i framtida. Dette er også svært aktuelt for meg, sidan eg skal jobbe i Sogn og fjordane og dei fleste artiklane er herifrå.
