Dette er meg

Eg heiter Ida Linde og bur på Nessane i Balestrand kommune, i Sogn og fjordane. Der bur eg saman med sambuaren min og dottera vår på snart 2 år. Eg er fulltidsstudent, og er no i gang med siste semester på allmennlærarutdanninga.

Dette semesteret tar eg eit fag som heiter Produksjon av nynorske digitale læringsressursar (PNDL), i tillegg til Spesialpedagogikk. Tidlegare har eg teke Naturfag og Matematikk 3. Eg valde PNDL fordi eg ynskte eit fag og ei utdanning som er framtidsretta og nyttig. Eg interesserer meg for bruk av digitale læringsressursar, og ynskjer å få meir oversikt over kva som finst av mogelegheiter. Av di dette er ein så stor og viktig del av læreplanen i gunnskulen, tykkjer eg det er alt for dårleg kompetanse på dette området i skulen. Og meiner difor at eit fag som dette er svært viktig.

Eg håpar eg etter dette kurset sit igjen med ein del kompetanse i bruk og produksjon av digitale læringsressursar. Og at eg kan gjere ei datamaskin nynorsk, og sørge for at mine framtidige elevar får gode læringsressursar på nynorsk.

Wiki...

Rett vidare på noko nytt. No skal vi bidra på høgskulen si wiki-side http://aorwiki.hisf.no/index.php/Hovudside

Spennande dette. Men det er mykje å setje seg inn i. Tek nok litt tid før bruken av det går av seg sjølv...

Her er ein video vi fekk sjå, som forklarar litt forskjellen på ei vanleg nettside og ei wiki-side. Og visar korleis ein wiki fungerar.

Ny blogg

Då er eg igang med eigen blogg. Første gong, så dette vert spennande :)